امت نیوز ڈیسک //
بھارتیہ جنتا پارٹی کے قومی جنرل سکریٹری ترون پگھ نے جموں و کشمیر کے سرکاری ہسپتالوں میں 265 ڈی این بی ۔ پی بی نشستوں کو منظوری دینے کے وزیر اعظم نریندر مودی کے فیصلے کا خیر مقدم کیا ہے ۔ چکھ نے عسکریت پسندی سے متاثرہ خاندانوں کے بچوں کے لیے میڈیکل کالجوں میں سیٹیں ریزرو کر نے کے وزیر اعظم کے فیصلے کا بھی خیر مقدم کیا۔انہوں نے کہا کہ اس سے ان خاندانوں کے بچوں کو مدد فراہم کرنے میں بہت مدد ملے گی۔
انہوں نے کہا کہ عبداللہ اور مفتیوں کی ماضی کی حکومتوں کے بر عکس مودی حکومت جموں و کشمیر کے لوگوں کی صحت کے مسائل کا مستقل طور پر خیال رکھتی ہے۔
انہوں نے کہا کہ جب سے مودی حکومت نے مرکز کے زیر انتظام علاقے کا انتظام سنبھالا ہے جموں اور کشمیر کے علاقوں کے لیے دوائیم. مختص کیے گئے ہیں جبکہ دونوں خطوں میں کینسر کے دوادارے بھی قائم کیے گئے ہیں۔ چکھ نے کہا کہ جہاں جموں خطے کو چار نئے میڈیکل کالج ملے ہیں ، دو کشمیر میں بھی کھولے گئے ہیں جو جموں و کشمیر کے بچوں کو طبی تعلیم فراہم کر نےمیں ایک بڑی پیشرفت ثابت ہوں گے ۔ وزیر اعظم کی صحت کی مختلف سکیمیں بھی جموں و کشمیر میں دور دراز کے لوگوں کو خدمات فراہم کر رہی ہیں جو لوگوں کے لیے ایک اعزاز ثابت ہو رہی ہیں۔
