(سرینگر) خوشگوار موسمی صورتحال کے بیچ محکمہ ٹریفک نے ایڈوائزری جاری کرتے ہوئے کہا کہ موسم ساز گار رہنے کی صورت میں اتوار کو سرینگر جموں شاہراہ پر دونوں اطراف سے گاڑیوں کو چلنے کی اجازت دی جائے گی تاہم ڈرائیوروں سے کہا گیا ہے کہ وہ دوران سفر محکمہ کی جانب سے جاری کردہ اوقات پر من و عن عمل کریں۔ محکمہ ٹریفک نے سرینگر جموں شاہراہ پر اتوار کیلئے ٹریفک پلان جاری کرتے ہوئے اعلان کیا ہے کہ اتوار کے روز سرینگر جموں شاہراہ پر دونوں اطراف سے گاڑیوں کو چلنے کی اجازت دی جائے گی۔ محکمہ ٹریفک کی جانب سے جاری کردہ بیان کے مطابق موسم ساز گار ہونے کی صورت میں اتوار کو گاڑیوں کو جموں سے سرینگر جبکہ سرینگر سے جموں کی جانب جانے کی اجازت ہو گی تاہم دوران اوقات بھی جاری کئے گئے ہیں کہ کس وقت گاڑیوں کو کو ن سا علاقہ پار کرنا ہوگا ۔ محکمہ ٹریفک کے مطابق شاہراہ کی حالت کو مد نظر رکھتے ہوئے یہ فیصلہ لیا گیا کہ اتوار کے روز سرینگر جموں شاہراہ پر گاڑیوں کو دونوں اطراف سے چلنے کی اجازت ہو گی تاہم اس کیلئے کچھ گائیڈ لائینز جاری کر دی گئی ہے جس پر ڈرائیورو ں اور مسافروں کو عمل کرنا لازمی ہے ۔ خیال رہے کہ امسال سرینگر جموں شاہراہ کی خستہ حالی کے نتیجے میں کئی ماہ تک گاڑیو ں کو صرف ایک طرف ہی چلنے کی اجازت دی جا رہی تھی جس دوران ایک دن گاڑیاں سرینگر سے جموں جبکہ دوسرے دن گاڑیاں جموں سے سرینگر پہنچ جاتی تھیں ۔
