امت نیوز ڈیسک //
جموں: جموں وکشمیر کے ضلع ڈوڈہ کے ترنگول پل اسر کے قریب ایک گاڑی دریائے چناب میں گر جانے سے تین سرکاری ملازم لقمۂ اجل بن گئے جب کہ چوتھا زخمی ہوگیا۔ سرکاری ذرائع نے بتایا کہ ڈوڈہ میں محکمۂ روڈ اینڈ بلڈنگس کے چار ملازمین ایک گاڑی میں سفر کر رہے تھے کہ ترنگول پل اسر کے نزدیک گاڑی سڑک سے لڑھک کر دریائے چناب میں گر گئی۔
انہوں نے کہا کہ اس حادثے کے نتیجے میں تین ملازموں کی بر سر موقع ہی موت واقع ہوگئی جب کہ چوتھا زخمی ہوگیا۔ مہلوکین میں سے ایک محکمہ آر اینڈ بی کا ایگزیکیٹو انجینئر، اے ای ای اور ڈرائیور شامل تھا۔ ان کا کہنا تھا کہ زخمی کو نکال کر علاج و معالجے کے لیے گورنمنٹ میڈیکل کالج ڈوڈہ منتقل کیا گیا ہے جہاں اس کی حالت نازک بتائی جاتی ہے۔
