امت نیوز ڈیسک //
پلوامہ:انکم ٹیکس محکمہ کی جانب سے سرینگر – جموں قومی شاہراہ کے قریب لیتہ پورہ، اونتی پورہ میں واقع خیبر ایگرو فارمز پرائیوٹ لمیٹڈ نام کی دودھ ڈسٹری بیوٹ کرنے والی معروف کمپنی کے مرکزی دفتر پر چھاپہ مارا۔ ذرائع کے مطابق انکم ٹیکس محکمہ کی ایک ٹیم بدھ کی صبح کمپنی کے احاطے میں نمودار ہوئی اور دفتری کاغذات وغیرہ کھنگالنے لگی۔
خیبر ایگرو فارمز پر انکم ٹیکس کا چھاپہاطلاعات کے مطابق چھاپہ مار ٹیم وہاں تعینات ملازمین کے ساتھ بھی پوچھ گچھ کر رہی ہے جب کہ مقامی پولیس کی ایک ٹیم بھی ان کے ہمراہ ہے۔ خیبر ایگرو فارمز نامی کمپنی کئی برس قبل یہاں قائم کی گئی تھی اور اس میں دو سو کے قریب ملازمین کام کر رہے ہیں۔
