امت نیوز ڈیسک //
جموں: جموں کے میئر راجندر شرما نے بدھ کو انتخاب لڑنے کے لیے منتخب نمائندوں کے لیے کم از کم اہلیت کے طور پر گریجویشن کو لازمی قرار دیا ہے جب کہ اس سلسلہ میں سفارشات کو متعلقہ حکام تک پہنچا دیا گیا ہے۔ جموں میونسپل کارپوریشن کے جنرل ہاؤس نے ایک قرارداد منظور کی جس میں بلدیاتی انتخابات میں شرکت کرنے والے کونسلروں کے لیے انتخابی عمل میں حصہ لینے کے لیے گویجویشن کو کم از کم اہلیت قرار دیا گیا ہے۔ اس سلسلہ میں بولتے ہوئے میئر راجندر شرما نے کہا کہ قرارداد جموں و کشمیر انتظامیہ کو بھیجی گئی ہے اور وہ اس کے نفاذ کا انتظار کر رہے ہیں ۔
تاہم انہوں نے مزید کہا کہ اس کے لیے پہلے انتظامیہ اور الیکشن کمیشن آف انڈیا سے منظوری لینی ہوگی تاکہ گریجویشن کا معیار ایک اصول بن جائے۔ موصوف نے کہا کہ جموں میونسپل کونسل نے مرکزی حکومت پر زور دیا کہ وہ جے ایم سی جنرل باڈی کی طرف سے منظور کردہ قرارداد کا نوٹس لے اور منتخب نمائندوں کے لیے یہ لازمی بنانے کے لیے ایک قانون بنائے کہ اگر وہ گریجویٹ ہیں تو وہ الیکشن لڑ سکتے ہیں۔
انہوں نے کہا کہ ”شائدیہ ملک بھر میں اس طرح کا پہلا اقدام ہے کہ کسی میونسپل باڈی نے الیکشن لڑنے والے کونسلرز کے لیے گریجویشن کو کم از کم تعلیمی قابلیت کے طور پر طے کرنے کی قرارداد منظور کی ہے۔
