امت نیوز ڈیسک //
خشک موسم کے بیچ شبانہ درجہ حرارت میں کمی کا سلسلہ بدستور جاری ہے جس کے چلتے منفی 1.4 ڈگری سینٹی گریڈ کے ساتھ سرینگر میں رواں موسم کی سرد ترین رات ریکارڈ کی گئی۔
ادھر محکمہ موسمیات نے پہلے ہی پیشگوئی کی ہے کہ رواں ماہ کے آخر تک موسمی صورتحال میں تبدیلی کا کوئی امکان نہیں ہے جس کے باعث شبانہ سردیوں میں مزید اضافہ ہو سکتا ہے۔
محکمہ موسمیات کے مطابق سیاحتی مقام پہلگام میں رات کا درجہ حرارت منفی 3.6 ڈگری سینٹی گریڈ درج کیا گیا جبکہ شہر ہ آفاق گلمرگ میں شبانہ درجہ حرارت میں کچھ بہتری ہوئی اور وہاں منفی 0ڈگری پر درجہ حرارت درج ہوا۔
