امت نیوز ڈیسک //
ریاستی تحقیقاتی ایجنسی (ایس آئی اے) نے سنیچر کو سینئر حریت رہنما پروفیسر عبدالغنی بھٹ سے تقریباً ۸ گھنٹے تک پوچھ گچھ کی۔
پروفیسر بھٹ کوجے آئی سی جموں میں عسکریت پسندوں اور حوالہ فنڈنگ سے متعلق ایک معاملے میں تحقیقاتی ایجنسی کی طرف سے طلب کیا گیا۔
ایک اعلیٰ عہدیدار کا حوالہ دیتے ہوئے کہا کہ بھٹ کو عسکریت پسندوں اور حوالہ فنڈنگ کے معاملے سے متعلق طلب کیا گیا تھا جس میں سابق وزیر جتیندر سنگھ عرف بابو سنگھ کو پہلے گرفتار کیا گیا تھا۔
عہدیدار نے کہا کہ بھٹ سے جے آئی سی جموں میں شام تک تقریباً آٹھ گھنٹے تک پوچھ گچھ کی گئی جب انہیں ایجنسی کی طرف سے آج طلب کیا گیا۔
اہلکار نے مزید کہا کہ بھٹ نے پوچھ گچھ کے دوران وادی میں مختلف حریت رہنماؤں کی طرف سے سرحد پار سے موصول ہونے والی رقم کے بارے میں بہت سے حقائق کا انکشاف کیا۔
پروفیسر بھٹ جموں و کشمیر مسلم کانفرنس کے سربراہ ہیں اور ماضی میں وہ حریت کانفرنس کے سربراہ بھی رہ چکے ہیں۔
