امت نیوز ڈیسک //
پونچھ:جموں وکشمیر کے پونچھ ضلع کے سرنکوٹ علاقے میں سکیورٹی فورسز نے تلاشی آپریشن کے دوران بڑی مقدار میں اسلحہ وگولہ بارود اور قابل اعتراض مواد برآمد کیا ہے۔
سرکاری ذرائع نے بتایا کہ بدھ کے روز مصدقہ اطلاع موصول ہونے کے بعد سکیورٹی فورسز نے سرنکوٹ میں تلاشی آپریشن شروع کیا جس دوران وہاں سے دو رائفلیں، ایک پستول، پانچ چینی ساخت کے گرینیڈ، پانچ اے کے میگزین، 69 گولیوں کے راونڈ اور پستول میگزین برآمد کرکے ضبط کیے۔
سرکاری ذرائع نے بتایا کہ علاقے میں تلاشی آپریشن ہنوز جاری ہے۔بتادیں کہ پونچھ کے کئی جنگلی علاقوں میں سیکورٹی فورسز نے مشکوک افراد کی نقل وحرکت کی اطلاع ملنے کے بعد بڑے پیمانے پر تلاشی آپریشن شروع کیا ہے۔
