امت نیوز ڈیسک //
ضلع اننت ناگ کے ترکہ ٹچلو گاؤں میں ہیپاٹائٹس اے کی وجہ سے دو کمسن بچوں کی موت کے جانچ کا عمل تیز کر دیا گیا ہے۔ حکام کا کہنا ہے کہ جارحانہ اور بے ترتیب جانچ کے دوران ابتک صرف چھ نمونے مثبت آئے ہیں جن میں سے دو کی موت ہوئی ہے جبکہ دیگر سبھی نمونے منفی ہیں۔
ایک سرکاری عہدیدار نے بتایا کہ چونکہ ترکہ ٹچلو گاؤں دوہرے انتظامی کنٹرول کے تحت آتا ہے تو اس پر دونوں اضلاع کی انتظامیہ نظر رکھے ہوئے ہے۔ انہوں نے کہا کہ مذکورہ گاؤں ریونیو کے لحاظ سے ضلع اننت ناگ کا حصہ ہے، تاہم، یہ محکمہ صحت اور جل شکتی بلا کس کے لحاظ سے کو لگام ضلع کے دائرہ اختیار میں آتا ہے۔
انہوں نے کہا کہ کو لگام اور اننت ناگ کے دونوں ضلع مجسٹریٹ گاؤں کی صور تحال پر نظر رکھے ہوئے ہیں۔
سی ایم او کو لگام ، ڈاکٹر رفیق نے بتایا کہ علاقے میں بے ترتیب نمونے لینے کا عمل شد ومد سے جاری ہے اور اب تک اس عمل کے دوران مجموعی طور ہیپاٹائٹس اے کے صرف چھ کیسوں کی تصدیق ہوئی ہے۔ ان کا کہنا تھا کہ یہ چھ بچے ایک ہی سکول کے طالب علم ہیں۔ انہوں نے بتایا کہ چونکہ ہیپاٹائٹس اے پانی سے پیدا اور پھیلنے والی بیماری ہے تو یہ معلوم کیا جارہا ہے کہ ان طلباء نے سکول میں کہاں سے اور کس قسم کا پانی پیا ہے۔
