امت نیوز ڈیسک //
کشمیر کے لیفٹیننٹ گورنر منوج سنہا نے بدھ کے روز کہا کہ عام آدمی کو فائدہ پہنچانے کے لیے اراضی قوانین میں ضروری تبدیلیاں کی جارہی ہیں کیونکہ پہلے کے قانون ” بہت رجعت پسند ” تھے۔ ایل جی ایک تقریب کے دوران نامہ نگاروں کے اس سوال کا جواب دے رہے تھے کہ ”جموں و کشمیر میں زمین کے لیز ہولڈروں سے حکومت کو قبضہ واپس کرنے کو کہا جارہا ہے”۔ سنہا نے نامہ نگاروں سے بات چیت کرتے ہوئے کہا، ” ( پرانے ) اراضی قوانین بہت رجعت پسند تھے اور لوگوں کے مفادات کو مد نظر رکھتے ہوئے نہیں بنائے گئے تھے۔ وہ تبدیلیاں کی جارہی ہیں جو عام آدمی کے فائدے کے لیے ضروری ہیں ۔
سنہا نے کہا کہ یونین ٹیریٹری میں 40 سے 45 فیصد قانونی چارہ جوئی اراضی ریکارڈ کی وجہ سے ہوئی ہے۔ "ہم نے زمینی ریکارڈ کی ڈیجیٹلائزیشن کی ہے۔ ایک بار جب یہ عمل مکمل ہو جائے گا، تو یہاں کے لوگ امن سے رہ سکتے ہیں۔
