امت نیوز ڈیسک //
حیدرآباد / / مرکزی وزیر داخله امت شاہ نے ہفتہ کو کہا کہ آٹھ سال کے بعد ، بھاجپا کی زیر قیادت مرکزی حکومت جموں و کشمیر میں عسکریت پسندی کے واقعات ، شمال مشرق میں شورش اور بائیں بازو کی انتہا پسندی پر قابو پانے میں کافی حد تک کامیاب رہی ہے۔ سردار ولبھ بھائی پٹیل نیشنل پولیس اکید می (ایس وی پی این پی اے) میں انڈین پولیس سروس ( آئی پی ایس ) کے پروبیشنر ز کے 74 ویں بیچ کی پاسنگ آؤٹ پریڈ سے خطاب کرتے ہوئے شاہ نے کہا کہ بھارتی سرکاری یجنسیوں نے پولیس کے ساتھ مل کر پورے ملک میں ایک کامیاب آپریشن کیا اور ایک ہی دن میں پاپولر فرنٹ آف انڈیا (PFI) جیسی تنظیم پر پابندی عائد کر دی۔
انہوں نے کہا، آٹھ سال کے بعد ، حکومت جموں اور کشمیر میں عسکریت پسندی کے واقعات، شمال مشرق میں خورش اور بائیں بازو کی انتہا پسندی پرقابو پانے میں کافی حد تک کامیاب رہی ہے”۔
انہوں نے مزید کہا کہ حال ہی میں پاپولر فرنٹ آف انڈیا پر پابندی لگا کر ہم نے دنیا کے سامنے ایک کامیاب مثال پیش کی ہے۔انہوں نے کہا، ” یہ ظاہر کرتا ہے کہ جمہوریت کے تئیں ہماری وابستگی کتنی مضبوط اور طاقت ور ہو گئی ہے”۔
انہوں نے مزید کہا کہ عسکریت پسندی کے خلاف زیرو ٹالرنس ، انسدادِ عسکریت پسندی کے قوانین کے مضبوط فریم ورک اور ایجنسیوں کی مضبوطی اور پختہ سیاسی عظم کی وجہ سے عسکریت پسندی سے متعلق واقعات میں کمی آئی ہے۔
