امت نیوز ڈیسک //
سری نگر // جموں و کشمیر حکومت کی طرف سے منگل کو جاری کردہ ایک نوٹیفکیشن میں کہا گیا ہے کہ جموں و کشمیر میں یکم اپریل 2023 سےپراپرٹی ٹیکس نافذ کیا جائے گا۔ بارے سنگ اور شہری ترقی سے محکمہ کی طرف سے جاری کردہ نوٹیفکیشن کے مطابق، ” جموں و کشمیر میونسپل ایکٹ 2000 کے سیکشن 71اے (جسے بعد میں ایکٹ کہا جاتا ہے) کے ذریعے عطا کردہ اختیارات کے استعمال میں، اور متعلقہ قانون کی دفعات کے تحت، حکومت نے جموں اور کشمیر کی میونسپلٹیوں اور میونسپل کو نسلوں میں پراپرٹی ٹیکس نافذ کرنے کا اعلان کیاہے۔
ان قواعد کو جموں اور کشمیر پراپرٹی ٹیکس (دیگر میونسپلٹی) رولز ، 2023 کہا جائے گا۔ یہ یکم اپریل، 2023 سے لاگو ہوں گے”۔ جموں و کشمیر انتظامیہ کو وزارت داخلہ (ایم ایچ اے) نے اکتوبر 2020 میں میونسپل کارپوریشنوں، میونسپل کو نسلوں اور میونسپل کمیٹیوں کے ذریعے یونین ٹیریٹری میں پراپرٹی ٹیکس لگانے کی اجازت دی تھی۔ جموں اور کشمیر کی تنظیم نو ایکٹ ،2020 کی منظوری کے ساتھ ، بھارتی وزارتِ داخلہ نے جموں اور کشمیر میونسپل ایکٹ ، 2000، اور جموں اور کشمیر میونسپل کارپوریشن ایکٹ ،2000 میں بھی ترمیم کی ہے۔ نوٹیفکیشن کے مطابق یہ ٹیکس فی الحال بلدیاتی علاقوں میں نافذ کیا جائے گا“۔
