امت نیوز ڈیسک //
لیفٹنٹ گورنر منوج سنہا نے کہا کہ شہریوں کی فلاح و بہبود حکومت کی اولین ترجیح ہے اور پراپرٹی ٹیکس شہروں کی مالی خود استحکام اور یونین کے علاقے میں عوامی سہولیات میں بہتری کو یقینی بنائے گا۔
لیفٹنٹ گورنر نے کہا ”ہمارے شہروں کو تیز رفتار ترقی کا مشاہدہ کرنا چاہئے اور ترقی کے انجنوں کے طور پر ابھرنا چاہئے۔ اس کے لئے شہروں کی مالی خود استحکام ضروری ہے۔جموں کشمیر میں پراپرٹی ٹیکس ملک میں سب سے کم ہوگا اور اسے جے اینڈ کے میں عوامی سہولیات کو بہتر بنانے کے لئے استعمال کیا جائے گا“۔
انہوں نے کہا کہ ”عمل درآمد عام لوگوں کے ساتھ مشاورت سے کیا جائے گا۔ عام شہریوں کے مفادات کا تحفظ کیا جائے گا“۔
