سری نگر، 7 اپریل: جموں و کشمیر ڈیزاسٹر منیجمنٹ اتھارٹی (جے کے ڈی ایم اے) نے جمعہ کو اگلے 24 گھنٹوں میں کپواڑہ ضلع کے اونچی علاقوں میں برفانی تودے گرنے کی وارننگ جاری کی۔
ایجنسی کے مطابق ڈی ایم اے نے کہا کہ کپواڑہ ضلع میں سطح سمندر سے 3000 میٹر کی بلندی پر کم خطرے کی سطح کا برفانی تودہ گرنے کا امکان ہے۔
ان علاقوں میں رہنے والے لوگوں کو مشورہ دیا جاتا ہے کہ وہ احتیاطی تدابیر اختیار کریں اور اگلے احکامات تک برفانی تودے کے شکار علاقوں میں جانے سے گریز کریں۔
