امت نیوز ڈیسک//
قاضی گنڈ، 19 اپریل: جموں و کشمیر میں مسلسل بارش نے جنوبی کشمیر کے اننت ناگ ضلع کے ہلار ریلوے اسٹیشن پر پانی بھر جانے کے بعد قاضی گنڈ اور بانہال سیکشن کے درمیان ٹرین سروس میں خلل ڈال دیا ہے۔
ایک اہلکار نے نیوز ایجنسی کو بتایا کہ قاضی گنڈ اور بانہال کے درمیان ٹرین سروس کو احتیاطی اقدام کے طور پر معطل کر دیا گیا ہے۔
انہوں نے کہا کہ گزشتہ 24 گھنٹوں سے مسلسل بارش کی وجہ سے ہلر ریلوے اسٹیشن پر پانی جمع ہوگیا جس سے ٹرین سروس میں خلل پڑا۔
موسمی حالات میں بہتری کے بعد سروس بحال کر دی جائے گی، اہلکار نے کہا-
