امت نیوز ڈیسک
رامبن، 04 مئی،: ضلع رامبن میں جمعرات کی صبح ایک ہوٹل میں آگ لگنے سے دو افراد ہلاک اور پانچ زخمی ہو گئے۔
اطلاعات کے مطابق بدھ اور جمعرات کی درمیانی شب سناسر کے سیاحتی مقام ہوٹل ما شانتی میں آگ بھڑک اٹھی اور تیزی سے پھیلتے ہوئے پورے علاقے کو اپنی لپیٹ میں لے لیا۔
حکام نے بتایا کہ واقعے کے بعد آگ بجھانے کی کارروائی شروع کی گئی۔
دریں اثناء ڈپٹی کمشنر رامبن نے اے ڈی سی رامبن کی سربراہی میں مجسٹریل انکوائری کا حکم دیا ہے۔
