امت نیوز ڈیسک //
شمالی کشمیر کے بانڈی پورہ ضلع کے انکھو لو سنبل گاوں میں جمعرات کو ایک 2 سالہ بچی کی آبپاشی نہر میں ڈوبنے سے موت ہو گئی۔ مقامی ذرائع نے بتایا کہ جنت زہرہ دختر جاوید احمد ڈار ساکنہ اوڈ ینا سنبل آبپاشی نہر میں ڈوب گئی، جس کے بعد مقامی لوگوں نے بچاؤ کاروائی شروع کی۔
انہوں نے بتایا کہ مقامی لوگوں نے بچی کو پانی سے نکال کر سی ایچ سی سنبل منتقل کیا جہاں ڈاکٹروں نے اسے مردہ قرار دے دیا۔ انہوں نے مزید بتایا کہ قانونی و طبی کارروائیوں کے بعد لاش آخری رسومات کے لیے اہل خانہ کے حوالے کر دی گئی ہے۔
