امت نیوز ڈیسک //
سرینگر: جموں و کشمیر کی سابق وزیر اعلیٰ اور پی ڈی پی سربراہ محبوبہ مفتی کو متفقہ طور پر تین سال کی مدت کے لیے پی ڈی پی کی صدر کے طور پر دوبارہ منتخب کر لیا گیا ہے۔ مفتی کا نام سینئر نائب صدر عبدالرحمان ویری نے تجویز کیا اور جنرل سکریٹری غلام نبی ہنجورا نے اس کی تائید کی۔
محبوبہ مفتی سال 2016 سے پارٹی کی صدارت تھامے ہوئے ہیں۔ وہ اپنے والد اور اس وقت کے پارٹی صدر مفتی محمد سعید کے انتقال کے بعد 2016 میں پارٹی صدر مقرر ہوئی تھیں۔
