امت نیوز ڈیسک //
سرینگر (جموں و کشمیر):جموں و کشمیر کی گرمائی دارالحکومت سرینگر میں ہفتے کی صبح ڈل جھیل میں ہاؤس بوٹس میں نمودار ہوئی آگ کی واردات میں تین غیر ملکی سیاحوں کے ہلاک ہونے کی اطلاع ہے۔ فوت ہوئے سیاحوں کا تعلق بنگلہ دیش سے بتایا جا رہا ہے تاہم ابھی تک ان کی شناخت ظاہر کی نہیں گئی ہے۔ ذرائع کے حوالہ سے معلوم ہوا ہے کہ فوت ہونے والوں میں ایک مرد اور ایک خاتون شامل ہے جبکہ فوت ہونے والے تیسرے شخص کی جنسی تشخیص معلوم نہیں ہوپائی۔
ہفتہ کی صبح پیش آئی واردات میں کم از کم پانچ ہاؤس بوٹ نذر آتش ہوئے، ہاؤس بوٹ کے ساتھ ساتھ ایک ہَٹ بھی مکمل طور خاکستر ہوئی۔ سانحہ کے فوراً بعد ایس ڈی آر ایف، فائر اینڈ ایمرجنسی، جموں و کشمیر پولیس نے بچاؤ کارروائی شروع کی۔ ڈی سی سرینگر اعجاز اسد نے بھی ڈل کا دورہ کیا اور متاثرین کے ساتھ ہمدردی کا اظہار کیا۔ بعد ازاں ڈی سی سرینگر میں میڈیا نمائندوں کے ساتھ بات کرتے ہوئے کہا تھا کہ آگ میں پھنسے سبھی مقامی باشندوں، سیاحوں کو محفوظ مقامات پہنچا دیا گیا ہے۔ ہفتہ کی سہ پہر مزید ایس ڈی آر ایف نے تین لاشوں کو بازیاب کیا۔
ابتدائی معلومات کے مطابق فوت ہوئے تینوں افراد ’’سفینہ‘‘ نامی ہاؤس بوٹ میں مقیم تھے، جہاں سے آگ نمودار ہوئی تھی اور آگ نے آناً فاناً مزید دیگر چار ہاؤس بوٹس کو اپنی زد میں لے لیا۔ آتشزدگی کے سبب جہاں ابھی تک تین افراد کے فوت ہونے کے اطلاع ہے وہیں آگ کے سبب کروڑوں روپے مالیت کی املاک بھی راکھ کے ڈھیر میں تبدیل ہو گئی ہے,
