امت نیوز ڈیسک //
سری نگر، 28 دسمبر :جنوبی کشمیر کے پلوامہ ضلع کے پوچھل علاقے میں جمعرات کو ایک خاتون کی کرنٹ لگنے سے موت ہو گئی۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ ایک خاتون آج دوپہر کو اپنے گھر میں بجلی کا جھٹکا لگنے سے زخمی ہو گئی۔
انہوں نے مزید بتایا کہ خاتون طاہرہ بانو زوجہ محمد شفیع ڈار ساکن پوچھل کو علاج کے لیے اسپتال منتقل کیا گیا جہاں ڈاکٹروں نے اسے مردہ قرار دیا۔ دریں اثنا، پولیس نے واقعے کا نوٹس لے لیا ہے- (کے این او)
