امت نیوز ڈیسک //
سابق ممبر اسمبلی جاوید بیگ کی پیپلز ڈیموکریٹک پارٹی میں واپس جانے کی قیاس آرائیوں کے بیچ، اپنی پارٹی نے انہیں چیف ترجمان کے عہدے عہدے سے ہٹا دیا ہے اور منتظر محی الدین کو پارٹی کا نیا چیف ترجمان مقرر کیا ہے۔
پارٹی کی جانب سے جاری بیان کے مطابق مسٹر بیگ کو عہدے سے ہٹانے کا باضابطہ اعلان پارٹی صدر سید الطاف بخاری کی منظوری کے بعد کیا گیا ہے۔
ادھر قیاس آرائیاں عروج پر ہیں کہ جاوید بیگ چند دنوں میں پارٹی سے الگ ہو جائیں گے اور امکان ہے کہ وہ پی ڈی پی میں پھر سے شامل ہو جائیں گے۔
تاہم ابھی تک جاوید بیگ کی جانب سے اس پیش رفت پر کوئی ردعمل سامنے نہیں ہے۔
