(سرینگر) جموں و کشمیر انتظامیہ نے اپنی رسائی کو وسیع کرنے کی غرض سے سرینگر ضلع میں پانچ نئے پولیس اسٹیشن اور دو نئی پولیس چوکیاں قائم کرنے کا اعلان کیا ہے جبکہ بڈگام ضلع میں بھی ایک نئی پولیس چوکی قائم کی گئی ہے۔ انتظامیہ کی جانب سے جاری کیے گئے ایک حکم نامے میں کہا گیا کہ "سرینگر شہر میں پانچ نئے پولیس اسٹیشن قائم کیے گئے ہیں جن میں پولیس اسٹیشن احمد نگر، پولیس اسٹیشن سنگم (عیدگاہ)، پولیس اسٹیشن چھانہ پورہ، پولیس اسٹیشن بمنہ اور پولیس اسٹیشن شالٹینگ شامل ہیں۔ اس میں مزید کہا گیا ہے کہ "شہر میں دو نئی پولیس چوکیاں بھی قائم کی گئی ہیں، جن میں پولیس اسٹیشن بٹہ مالو کے تحت پولیس چوکی ٹینگہ پورہ اور پولیس اسٹیشن زکورہ کے تحت پولیس چوکی کھمبر شامل ہے۔ بڈگام کے موچھوا علاقے میں ایک پولیس چوکی بھی قائم کی گئی ہے جو پولیس اسٹیشن چاڈورہ کے تحت کام کرے گی۔”
