امت نیوز ڈیسک //
سری نگر، 27 مارچ :جموں و کشمیر وقف بورڈ کی چیئرپرسن ڈاکٹر درخشاں اندرابی نے بدھ کے روز کہا کہ عیدگاہ سری نگر میں عید کی نماز ادا نہیں کی جائے گی، کیونکہ عیدگاہ گراؤنڈ کی حالت ٹھیک نہیں ہے۔
نیوز ایجنسی – کشمیر نیوز آبزرور کے مطابق، ڈاکٹر اندرابی نے یہاں راجباغ میں میڈیا سے بات کرتے ہوئے کہا کہ اس سال عید گاہ سری نگر میں نماز عید ادا کرنا ممکن نہیں ہے، کیوں کہ اسکی حالت صحیح نہیں ہے. انہوں نے مزید کہا کہ وہ گراؤنڈ کی حالت کو بہتر بنانے پر کام کر رہے ہیں اور جلد ہی عیدگاہ سری نگر میں نماز ادا کی جائے گی۔
دریں اثنا، جموں و کشمیر وقف بورڈ کے معتبر ذرائع نے کے این او کو بتایا کہ عیدگاہ سری نگر کی تزئین و آرائش کا ایک بڑا منصوبہ پائپ لائن میں ہے، اور وہ جلد شروع ہونا چاہیں گے۔(کے این او)
