امت نیوز ڈیسک //
سرینگر: بارڈر سکیورٹی فورس (بی ایس ایف) کے ڈائریکٹر جنرل (ڈی جی) نتن اگروال نے لائن آف کنٹرول (ایل او سی) کے سرینگر سیکٹر کے اگلے علاقوں کا دورہ کرکے آپریشنل تیاریوں کا جائزہ لیا۔
انہوں نے اس دوران مشکل موسمی صورتحال کے باجود اپنے فرائض بخوبی نبھانے پر جوانوں کے عزم کی سراہنا کی۔
بارڈر سکیورٹی فورسز نے یہ جانکاری جمعہ کے روز ‘ایکس’ پر ایک پوسٹ کے ذریعے فراہم کی۔
انہوں نے کہا: ‘بی ایس ایف کے ڈی جی شری نتن اگروال نے ایل او سی کے سرینگر سیکٹر کے اگلے علاقوں کا دورہ کیا اور وہاں تعینات یونٹ کی آپریشنل تیاریوں کا جائزہ لیا’۔
ان کا پوسٹ میں مزید کہنا تھا: ‘ڈی جی نے جوانوں کی حوصلہ افزائی کی اور سخت موسمی صورتحال کے باجود جوانوں کے اپنے فرائض بخوبی انجام دینے کے عزم کی سراہنا کی’۔
آئی جی بی ایس ایف کشمیر فرنٹیئر اشوک یادو ایل او سی کے دورے کے دوران ڈی جی بی ایس ایف کے ہمراہ تھے۔
یاد رہے کہ آئی جی بی ایس ایف کشمیر یادو نے حال ہی میں کہا تھا کہ عام انتخابات جیسے اہم واقعات کے دوران دراندازی کے امکانات بڑھ جاتے ہے، تاہم سکیورٹی فورسز چوکس ہیں اور ایسی کسی بھی کوشش کو وہ کامیاب نہیں ہونے دیں گے۔
بتادیں سکیورٹی فورسز نے گزشتہ ہفتے اوڑی سیکٹر میں دراندازی کی ایک کوشش کو ناکام بناتے ہوئے دو نامعلوم دراندازوں کو ہلاک کرنے کا دعوی کیا تھا۔
(یو این آئی)
