امت نیوز ڈیسک //
راجوری، 17 مئی: جموں ڈویژن کے راجوری ضلع میں جمعہ کو ایک پولیس اہلکار کی دل کا دورہ پڑنے سے موت ہوگئی۔
ایک اہلکار نے نیوز ایجنسی کشمیر اسکرول کو بتایا کہ شبیر احمد نامی کانسٹیبل، جو راجوری میں پولیس لائن میں تعینات تھا، کو جمعہ کو دل کا دورہ پڑا۔ ان کا کہنا تھا کہ شبیر احمد کو فوری طور پر علاج کے لیے اسپتال منتقل کیا گیا تاہم انھوں نے وہیں آخری سانس لی۔
دریں اثناء اس حوالے سے مزید کارروائی شروع کر دی گئی ہے۔ (کشمیر اسکرول)
