امت نیوز ڈیسک //
جموں، 09 جون :ضلع ریاسی میں اتوار کی شام مشتبہ ملی ٹینٹ حملے کے بعد یاتریوں کو لے جانے والی بس گہری کھائی میں گرنے سے کم از کم 10 افراد ہلاک اور متعدد زخمی ہو گئے۔
سرکاری ذرائع نے نیوز ایجنسی – کشمیر نیوز آبزرور (کے این او) کو بتایا کہ بس ریاسی ضلع کے تیراتھ کے کنڈا علاقے میں حملے کی زد میں آئی۔ ان کا کہنا تھا کہ مشتبہ ملی ٹینٹوں نے بس پر فائرنگ کی جس کے دوران ڈرائیور زخمی ہوگیا اور گاڑی پر سے کنٹرول کھو بیٹھا۔
حکآم نے بتایا “بس گہری کھائی میں جا گری جس کے نتیجے میں کم از کم 10 افراد موقع پر ہی ہلاک جبکہ متعدد زخمی ہو گئے۔ ان میں سے کچھ کو گولی لگنے کے زخم بھی آئے ہیں،‘‘۔
یاتریوں کو لے کر بس کٹرہ سے ماتا ویشنو دیوی کے بیس کیمپ شیو کھوری مندر جا رہی تھی۔ اس دوران بڑے پیمانے پر ریسکیو آپریشن شروع کیا گیا اور سیکورٹی فورسز کی کمک بھی موقع پر پہنچ گئی۔(کے این او )
