امت نیوز ڈیسک //
نئی دہلی :وزیر اعظم نریندر مودی نے اتوار کو ایک بڑا سنگ میل حاصل کیا۔ پی ایم مودی سوشل میڈیا پلیٹ فارم "ایکس” پر سب سے زیادہ فالو کیے جانے والے لیڈر بن گئے۔ ایکس پر ان کے فالورز کی تعداد 100 ملین یعنی کہ دس کروڑ تک پہنچ گئی۔ وزیر اعظم دنیا کے ان پانچ بڑے رہنماؤں میں دوسرے نمبر پر ہیں جن کے اپنے ایکس اکاؤنٹ پر سب سے زیادہ فالوورز ہیں۔ دنیا میں واحد سیاست دان جس کے پی ایم مودی سے زیادہ فالوورز ہیں وہ سابق امریکی صدر براک اوباما ہیں۔ ہندوستان کا کوئی بھی سیاستدان پی ایم مودی کے قریب تک نہیں ہے۔
دنیا میں سوشل میڈیا سائٹ ایکس پر سب سے زیادہ فالوورز رکھنے والے لیڈروں میں باراک اوباما سرفہرست ہیں۔ اوباما کے 131.7 ملین فالورز ہیں۔ دوسرے نمبر پر ہندوستان کے وزیر اعظم نریندر مودی ہیں۔ پی ایم مودی نے بھی 100 ملین کا ہندسہ عبور کر لیا ہے۔ اس فہرست میں سابق امریکی صدر ڈونلڈ ٹرمپ تیسرے نمبر پر ہیں۔ ٹرمپ کے 87.4 ملین فالورز ہیں۔ چوتھے نمبرپرامریکی صدر جو بائیڈن کے 38.1 ملین فالوورز ہیں۔پانچویں نمبر پر ترک صدر رجب طیب اردگان ہیں
پی ایم مودی سے آگے سابق امریکی صدر براک اوباما ہیں، جن کے سوشل میڈیا پلیٹ فارم ایکس پر 131 ملین سے زیادہ فالوورز ہیں۔ اس کے علاوہ ہندوستان میں کوئی بھی پی ایم مودی کے قریب نہیں آتا۔ پی ایم مودی کے بعد ہندوستان میں سب سے زیادہ فالو کیے جانے والے لیڈر یوپی کے سی ایم یوگی آدتیہ ناتھ ہیں۔ ایکس پلیٹ فارم پر سی ایم یوگی کے 29.5 ملین فالوورز ہیں۔
