امت نیوز ڈیسک //
کپواڑہ، 04 اگست : کاواری جگر پورہ میں اتوار کی دوپہر ایک نوعمر لڑکی کی ڈوب کر موت ہو گئی۔
جی این ایس تک پہنچنے والی رپورٹس میں کہا گیا ہے کہ سعدیہ مقبول، دختر محمد مقبول شاہ، کپڑے دھونے کے دوران پھسل کر پوہرو نالے میں جا گری۔
خبر پھیلتے ہی مقامی لوگوں نے پولیس کے ساتھ مل کر ریسکیو آپریشن شروع کیا اور سخت کوششوں کے بعد بچی کو بے ہوشی کی حالت میں پانی سے باہر نکالا۔
لڑکی کو قریبی طبی مرکز لے جایا گیا، جہاں پہنچنے پر اسے مردہ قرار دے دیا گیا۔
اس کی تصدیق کرتے ہوئے ایک پولیس اہلکار نے جی این ایس کو بتایا کہ لڑکی کو آخری رسومات کے لیے سوگوار خاندان کے حوالے کر دیا گیا ہے۔ (جی این ایس)
