امت نیوز ڈیسک //
سری نگر:اپنی پارٹی کے نائب صدر ظفر اقبال منہاس نے اپنے بیٹے کے ساتھ منگل کو اپنی پارٹی سے استعفیٰ دے دیا اور امکان ہے کہ وہ کل کانگریس میں شامل ہوجائیں گے۔
نیوز ایجنسی کے این او نے اطلاع دی ہے کہ منہاس نے اپنی پارٹی سے استعفیٰ دے دیا ہے اور ان کے کارکنوں کی رائے کے بعد مزید کارروائی کا فیصلہ کیا جائے گا۔
ادھر ذرائع کا کہنا ہے کہ ان کی رہائش گاہ پر کارکنوں کا اجلاس جاری ہے اور حتمی فیصلہ جلد متوقع ہے۔ انہوں نے کہا کہ منہاس بدھ کو پارٹی کے سینئر لیڈر راہول گاندھی کی موجودگی میں کانگریس میں شامل ہوں گے۔
منہاس پیپلز ڈیموکریٹک پارٹی سے علیحدگی کے بعد اپنی پارٹی کے بانی ارکان میں سے ایک تھے۔
