امت نیوز ڈیسک //
بڈگام:- مرکز کے زیر انتظام یو ٹی جموں و کشمیر کے وسطی ضلع بڈگام میں آج شام دیر گئے مذہبی پیشوا جو جیل کے اندر حراست میں ہے کل یہاں سے ان کی بیٹی صغری برکاتی کی موجودگی میں کاغذات نامزدگی فائل کریں گے۔
ایڈوکیٹ شیخ اشفاق احمد نے پارٹی کے دوسرے ارکان کے ہمراہ ماگام قصبے میں شام دیر گئے ایک پریس کانفرنس طلب کی جس میں انہوں نے اس بات کا انکشاف کیا کہ وہ کل سرجان برکاتی کا بیروہ حلقہ انتخاب کے لیے ان کا نامزدگی کے کاغذات جمع کرائیں گے۔ انہوں نے مزید بتایا کہ کل سرجان برکاتی کی بیٹی صغری برکاتی بھی ہمارے ہمراہ رہی گی اور اس کی موجودگی میں ہم یہ فارم فائل کریں گے۔
واضح رہے کہ وادی کشمیر کے مشہور و معروف عوامی رہنما سرجان برکاتی کے اسمبلی انتخابات میں حصہ لینے کا خواب اس وقت ٹوٹ گیا جب ان کا پرچہ نامزدگی زینہ پورہ کے ریٹرننگ آفیسر نے مسترد کر دیا۔ سرجان برکاتی عسکریت پسند کمانڈر برہان وانی کی ہلاکت کے بعد اپنے جذباتی اور منفرد نعروں سے مقبول ہوئے تھے۔ انھوں نے کل اپنے بیٹے اور بیٹی کے ذریعے شوپیان کے ڈپٹی کمشنر آفس میں پرچہ نامزدگی جمع کرایا تھا۔
ریٹرننگ آفیسر 36 زینہ پورہ نے کاغذات کی جانچ پڑتال کی۔ اس دوران انہوں نے کاغذات کو نامکمل قرار دیتے ہوئے اسے مسترد کر دیا۔ ذرائع کے مطابق، کاغذات کی عدم تکمیل کے باعث سرجان برکاتی کو الیکشن میں حصہ لینے کی اجازت نہیں دی گئی۔
