امت نیوز ڈیسک //
بڈگام، 20 ستمبر : وسطی کشمیر کے بڈگام ضلع کے بریل وترہیل علاقے میں جمعہ کو ایک بس سڑک سے پھسل کر کھائی میں گرنے سے بارڈر سیکورٹی فورس (بی ایس ایف) کے کم از کم تین اہلکار ہلاک اور متعدد زخمی ہوگئے۔
حکام نے کہا۔ ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ بی ایس ایف کے 36 جوانوں کے ساتھ بس بریل گاؤں میں سڑک سے پھسل کر کھائی میں گر گئی۔
انہوں نے کہا کہ اس واقعہ میں بی ایس ایف کے تین جوانوں کی موت ہو گئی جبکہ دو درجن سے زیادہ زخمی ہوئے۔ اہلکار نے بتایا کہ زخمیوں کا علاج معالجے کی سہولت میں کیا جا رہا ہے۔ پولیس نے واقعہ کا نوٹس لے لیا ہے-
