امت نیوز ڈیسک //
بڈگام، 30 ستمبر: وسطی کشمیر کے بڈگام ضلع کے بیرواہ کے نجن علاقے میں پیر کی شام ایک چار سالہ غیر مقامی لڑکے کو تیندوے نے مار ڈالا۔
ایک اہلکار نے نیوز ایجنسی – کشمیر نیوز آبزرور (KNO) کو بتایا کہ بہار سے تعلق رکھنے والا لڑکا اپنے خاندان کے ساتھ رہ رہا تھا، جو ایک مقامی اینٹوں کے بھٹے پر کام کر رہے تھے۔ شام کے اوقات میں تیندوے نے اس پر بھٹے کے قریب حملہ کیا۔ واقعے کے بعد وائلڈ لائف حکام نے تیندوے کو پکڑنے کے لیے بڑی کارروائی شروع کردی۔ اہلکار نے بتایا کہ لڑکے کی لاش ضروری قانونی کارروائیاں مکمل کرنے کے بعد اس کے اہل خانہ کے حوالے کر دی جائے گی۔
