اکھنور سیکٹر میں فوجی گاڑی پر حملہ ، کوئی جانی نقصان نہیں

امت نیوز ڈیسک //
جموں، 28 اکتوبر: جموں ضلع کے اکھنور علاقے میں پیر کو نامعلوم عسکریت پسندوں نے فوج کی ایک گاڑی پر حملہ کیا۔

عہدیداروں نے جی این ایس کو بتایا کہ آج صبح عسکریت پسندوں نے فوج کی ایک گاڑی پر کچھ راؤنڈ فائرنگ کرکے حملہ کیا، فوج نے جوابی فائرنگ کرکے عسکریت پسندوں کو پیچھے ہٹنے پر مجبور کیا۔ ابھی تک اس واقعے میں کسی کے زخمی یا جانی نقصان کی کوئی اطلاع نہیں ہے۔

دریں اثنا، اس علاقے میں مزید کمک بھیج دی گئی ہے اور حملہ آوروں کو پکڑنے کے لیے بڑے پیمانے پر تلاشی مہم شروع کر دی گئی ہے۔(جی این ایس )