امت نیوز ڈیسک //
سری نگر: شمالی کشمیر کے بارہمولہ ضلع کے جانباز پورہ بینر روڈ پر اتوار کو ایک ملی ٹینٹ کو اسلحہ اور گولہ بارود کے ساتھ گرفتار کیا گیا۔
ایک سینئر پولیس افسر نے بتایا کہ مخصوص انٹیلی جنس پر کارروائی کرتے ہوئے پولیس اور سیکورٹی فورسز کی ایک مشترکہ ٹیم نے جانباز پورہ بینر روڈ سے اس شخص کو گرفتار کیا۔
ایک اہلکار نے کہا کہ "گرفتار شخص کی شناخت شوکت احمد بٹ ساکن دمہال ہانجی پورہ، کولگام کے طور پر کی گئی ہے۔
اس کے قبضے سے ایک اے کے رائفل، ایک میگزین اور دیگر گولہ بارود برآمد کیا گیا،‘‘۔
افسر نے مزید کہا کہ مقدمہ درج کر لیا گیا ہے، اور مزید تفتیش جاری ہے۔ (جی این ایس)
