امت نیوز ڈیسک //
بارہمولہ: جموں و کشمیر کے ضلع بارہمولہ کی سوپور پولیس نے مجاز اتھارٹی سے باضابطہ نظر بندی کا حکم ملنے کے بعد دو بدنام زمانہ منشیات فروشوں کے خلاف این ڈی پی ایس ایکٹ کے تحت مقدمہ درج کیا ہے۔
سوپور پولیس نے دو منشیات فروشوں کے خلاف مقدمہ درج کیا ہے۔ جانکاری کے مطابق فردوس احمد ڈار ولد نذیر احمد ڈار ساکن معراج پورہ سوپور اورفردوس احمد بھٹ ولد غلام محی الدین بھٹ ساکن مزبغ سوپور کو این ڈی پی ایس ایکٹ کے تحت حراست میں لے لیا گیا ہے اور اب انہیں ڈسٹرکٹ جیل ادھم پور اور کٹھوعہ ڈسٹرکٹ جیل میں رکھا گیا ہے۔
غور طلب ہے کہ مذکورہ منشیات فروشوں کے خلاف کئی مقدمات درج کیے گئے ہیں اور وہ اب بھی پولیس ضلع سوپور کے مقامی نوجوانوں کو منشیات فراہم کرکے منشیات کی فروخت میں ملوث تھے۔ سوپور کے عام لوگوں نے منشیات کے اسمگلروں کے خلاف کارروائی میں سوپور پولیس کے کردار کو سراہا۔ سوپور پولیس ایسے مجرموں کے خلاف قانون کے مطابق سخت کارروائی کرنے کے لیے پرعزم ہے۔
جب کہ 20 فروری کو منشیات کی اسمگلنگ اور اس کے مالیاتی نیٹ ورکس کے خلاف ایک اہم کارروائی کرتے ہوئے، اننت ناگ پولیس نے ضلع اننت ناگ کے چینی گنڈ سریگفوارہ کے رہنے والے عبدالمجید بٹ، دامادہ محمد احسن گنائی کا دو منزلہ زیر تعمیر رہائشی مکان ضبط کیا جو ایک کنال اراضی پر مشتمل ہے، مکان کی قیمت ایک کروڑ بتائی جارہی ہے۔
