امت نیوز ڈیسک //
ریاض: سعودی عرب میں شوال کا چاند نظر آگیا ہے، جس کے بعد عید الفطر اتوار، 30 مارچ 2025 کو منائی جائے گی۔ عید الفطر کے اعلان کے ساتھ ہی مملکت بھر میں خوشی کی لہر دوڑ گئی، اور مساجد و بازاروں میں رونق بڑھ گئی۔
علماء کرام اور مذہبی رہنماؤں نے اس موقع پر دعا کی کہ اللہ تعالیٰ ہمارے روزے، قیام اور نیک اعمال کو قبول فرمائے اور ہمیں صحت و سلامتی کے ساتھ مزید رمضان نصیب کرے۔
دوسری جانب انڈونیشیا، ملائیشیا، برونائی، آسٹریلیا اور بنگلادیش میں چاند نظر نہ آنے کے باعث پیر کے روز عید ہونے کا اعلان کیا گیا ہے۔
پاکستان سمیت متعدد ایشیائی ممالک میں عید کا چاند کل دیکھا جائے گا اور ممکنہ طور پر دنیا کے زیادہ تر ممالک میں عید ایک ہی دن یعنی بروز پیر 31 مارچ کو ہوگی۔
