امت نیوز ڈیسک //
کٹھوعہ جموں ڈویژن کے پنجترتھی علاقے میں سرکاری فوج اور عسکریت پسندوں کے درمیان جاری تصادم میں ایک نامعلوم جنگجو مارا گیا ہے۔
معتبر ذرائع نے خبر رساں ایجنسی جے کے این ایس کو بتایا کہ پنجتھرتھی کٹھوعہ میں سیکورٹی فورسز کے ہاتھوں ایک عسکریت پسند مارا گیا ہے، جس کی شناخت کا ابھی تک پتہ نہیں چل سکا ہے۔
جب فورسز کی مشترکہ ٹیم نے مشتبہ مقام کی تلاشی کا عمل تیز کیا تو چھپے ہوئے عسکریت پسندوں نے فورسز پر گولی چلائی جس کے بعد مسلح تصادم شروع ہوگیا۔
انہوں نے بتایا کہ جاری تصادم کے دوران مارے گئے جنگجو کی شناخت معلوم نہیں ہوسکی ہے جبکہ علاقے میں آپریشن جاری ہے۔(جے کے این ایس)
