امت نیوز ڈیسک //
سری نگر، 13 مئی: جنوبی کشمیر کے شوپیاں ضلع کے کیلر کے شکرو جنگلات کے علاقے میں منگل کو سیکورٹی فورسز اور ملی ٹینٹوں کے درمیان شدید فائرنگ کا تبادلہ ہوا۔
جی این ایس تک پہنچنے والی اطلاعات کے مطابق پولیس، فوج اور سی آر پی ایف کی ایک مشترکہ ٹیم نے جنگل کے علاقے میں محاصرے اور تلاشی کی کارروائی شروع کی۔
جیسے ہی فورسز کی مشترکہ ٹیم مشتبہ مقام کے قریب پہنچی تو چھپے ہوئے عسکریت پسندوں نے فورسز پر فائرنگ کردی جس سے فائرنگ کا تبادلہ شروع ہوگیا۔
ایک سینئر پولیس افسر نے بھی جی این ایس کو عسکریت پسندوں اور سیکورٹی فورسز کے درمیان فائرنگ کے تبادلے کی تصدیق کی۔
ذرائع کے مطابق دو سے تین عسکریت پسندوں کے پھنسے ہونے کا خیال ہے۔(جی این ایس )
