امت نیوز ڈیسک //
سری ہری کوٹا: زمین کا مشاہدہ کرنے والے سیٹلائٹ EOS-09 (ای او ایس 09) کو لے جانے والے پی ایس ایل وی راکٹ میں تیسرے مرحلے کے دوران تکنیکی خرابی کے بعد مشن کو ٹال دیا گیا۔ اسرو نے اتوار کی صبح پولر سیٹلائٹ لانچ وہیکل (PSLV-C61) پر سوار اپنا 101 واں سیٹلائٹ EOS-09 لانچ کیا، لیکن یہ چند منٹ بعد ناکام ہوگیا۔
انڈین اسپیس ریسرچ آرگنائزیشن (اسرو) کے سربراہ وی نارائنن نے اس سلسلہ میں بتایا کہ ‘EOS-09 مشن پورا نہیں ہو سکا۔’ اسرو کا قابل اعتماد پولر سیٹلائٹ لانچ وہیکل (PSLV) 4 مرحلوں والا راکٹ ہے جبکہ پہلے دو مراحل حسب معمول تھے۔ انہوں نے بتایا کہ سری ہری کوٹا مرکز سے یہ اسرو کا 101 واں مشن تھا۔ EOS-09 مشن کےلئے وی ایس ایل وی راکٹ کا استعمال کیا گیا تاہم PSLV ایک چار مرحلوں والی لانچ وہیکل ہے جس کی دوسرے مرحلے تک کارکردگی معمول کے مطابق رہی جبکہ تیسرے مرحلے کی موٹر بالکل ٹھیک چلنے لگی لیکن تیسرے مرحلے کے دوران تکنیکی مسائل کا مشاہدہ کیا گیا، جس کی وجہ سے مشن کو کامیابی سے ہمکنار نہیں کیا جاسکا۔” نارائنن نے مزید کہا کہ "اس کا تجزیہ کرنے کے بعد دوبارہ مشن کو انجام دیا جائے گا۔”
خلائی ایجنسی نے ایکس پر ایک پوسٹ میں کہاکہ "آج 101 ویں لانچ کی کوشش کی گئی، PSLV-C61 کی کارکردگی دوسرے مرحلے تک نارمل تھی۔ تیسرے مرحلے میں تکنیکی خرابی کی وجہ سے، مشن کو پورا نہیں کیا جا سکا۔”
