امت نیوز ڈیسک //
پاکستان سے ملحقہ ہندوستانی ریاستوں— گجرات، پنجاب، راجستھان، جموں و کشمیر میں جمعرات، یعنی کل ایک سول ڈیفنس موک ڈرل ہونے والی ہے۔
ہندوستان ٹائمز کی خبر کے مطابق، ڈائریکٹوریٹ آف سول ڈیفنس نے اس کے لیے ہدایات جاری کی ہیں۔
ہندوستان ٹایمز رپورٹ کے مطابق، ہریانہ حکومت 29 مئی کو "آپریشن شیلڈ” کے عنوان سے ایک اہم ریاست بھر میں شہری دفاع کی مشق شروع کرنے کے لیے تیار ہے۔
یہ جامع مشق شام 5 بجے سے تمام 22 اضلاع میں کی جائے گی، جس کا مقصد ریاست کی ہنگامی تیاریوں اور ردعمل کے طریقہ کار کو تقویت دینا ہے۔
سول ڈیفنس کی یہ فرضی مشق ہندوستان نے پہلگام حملے کا بدلہ لینے کے لیے 6 اور 7 مئی کی درمیانی شب پاکستان کے خلاف ’آپریشن سندھور‘ شروع کیے جانے کے چند ہفتوں بعد کی ہے۔ جس میں 22 اپریل کو 26 سیاح مارے گئے تھے۔
