(سرینگر) جموں و کشمیر انتظامیہ کی جانب سے اجازت نہ ملنے کی وجہ سے جامع مسجد سرینگر میں آج شب برات کی مناسب سے کوئی تقریب منعقد نہیں ہوگی اور نہ ہی مسجد میں نماز عشاء ادا کی جاسکتی ہے. انجمن اوقاف جامع مسجد کےمطابق مغرب نماز کے وقت ضلع انتظامیہ کے افسران نے پولیس افسران کے ہمراہ مسجد کا دورہ کیا اور اوقاف کو مطلع کیا کہ آج مسجد میں نہ ہی نماز عشاء ادا کرنے کی اجازت ہوگئی اور نہ ہی شب بیداری کے حوالے کوئی تقریب منعقد کی جاسکتی ہے۔ایسے میں حکام کی جانب سے انجمن اوقاف جامع مسجد سرینگر سے کہا گیا ہے کہ وہ جامع مسجد کو کل تک بند رکھے۔حکام کی طرف سے اس اچانک فیصلے کے تناظر میں انجمن اوقاف جامع مسجد نے عقیدت مندوں سے اپیل کی ہے کہ وہ شب خوانی یا عشاء کی نماز کی خاطر جامع مسجد کا رخ نہ کریں.
