امت نیوز ڈیسک //
سرینگر، 26 جولائی: پیپلز ڈیموکریٹک پارٹی (پی ڈی پی) کو اُس وقت ایک بڑا جھٹکا لگا جب سابق وزیر اعلیٰ محبوبہ مفتی کے قریبی رشتہ دار اور کزن سرور مفتی نے سنیچر کو اپنی پارٹی میں شمولیت اختیار کی۔
کے این او کو موصولہ تفصیلات کے مطابق، سرور مفتی نے سرینگر میں ایک تقریب کے دوران اپنی پارٹی کے صدر الطاف بخاری کی موجودگی میں باضابطہ طور پر پارٹی میں شمولیت اختیار کی۔
قابل ذکر ہے کہ سرور مفتی طویل عرصے سے پی ڈی پی سے وابستہ رہے ہیں۔ نومبر 2023 میں انہوں نے ڈیموکریٹک پروگریسیو آزاد پارٹی میں شمولیت اختیار کی تھی، لیکن بعد میں دوبارہ پی ڈی پی میں واپس آئے۔ تاہم، آج انہوں نے اپنی پارٹی کا دامن تھام لیا۔
سرور مفتی کی علیحدگی کو پی ڈی پی کے لیے ایک بڑا نقصان تصور کیا جا رہا ہے، خاص طور پر ایسے وقت میں جب پارٹی 2024 کے انتخابات میں محض تین نشستیں ہی جیت پائی تھی۔ (کے این او)
