امت نیوز ڈیسک //
سری نگر، 27 جولائی: شمالی کشمیر کے بارہمولہ ضلع میں اوڑی کے دہی چولن علاقے میں ایک پہاڑی پر پتھر لگنے سے ایک کمسن کی موت ہو گئی جبکہ دوسرا زخمی ہو گیا۔
دہی چولاں کے علاقے میں دو کمسن بچے ایک پہاڑی پر بیٹھے تھے کہ پہاڑی سے پتھر گرا اور ان پر جا گرا، جس کے نتیجے میں 13 سالہ کمسن ساجد محفوظ مغل ولد محفوظ احمد مغل سکنہ دھنی سیداں جاں بحق ہوگیا۔
ایک اور لڑکا عادل مغل ولد امتیاز مغل سکنہ دھنی سیداں عمر 10 سال شدید زخمی۔ مقامی لوگوں نے اسے پی ایچ سی بونیار منتقل کیا۔
ایک سینئر پولیس افسر نے نابالغ کی موت کی تصدیق کی اور کہا کہ پولیس کی ایک ٹیم پہلے ہی موقع پر پہنچ چکی ہے اور اس نے واقعہ کا نوٹس لے لیا ہے۔
