امت نیوز ڈیسک //
سری نگر، 30 جولائی: لداخ یوٹی کے لیہہ میں آج صبح ایک آرمی گاڑی کو بڑا پتھر لگنے سے ایک لیفٹیننٹ کرنل اور ایک فوجی جوان کی موت ہو گئی جبکہ تین اہلکار زخمی ہو گئے۔
ایک اہلکار نے نیوز ایجنسی – کشمیر نیوز آبزرور کو بتایا کہ فوج کی ایک گاڑی اس وقت پتھر سے ٹکرا گئی جب فوج کا ایک قافلہ صبح 11:30 بجے کے قریب دربوک سے چونگتاش کی طرف جا رہا تھا۔
انہوں نے کہا کہ اس واقعہ میں ایک لیفٹیننٹ کرنل اور ایک جوان ہلاک ہو گئے جبکہ دو بڑے رینک کے افسر اور ایک کیپٹن زخمی ہو گئے۔ انہوں نے کہا، "زخمیوں کو علاج کے لیے لیہہ کے ایک آرمی اسپتال میں منتقل کیا گیا ہے۔”
مرنے والوں کی شناخت لیفٹیننٹ کرنل بھانو پرتاپ سنگھ اور لانس دفادار دلجیت سنگھ کے طور پر کی گئی ہے۔ زخمیوں کی شناخت میجر میانک شبھم، میجر امیت ڈکشٹ اور کیپٹن گورو کے طور پر ہوئی ہے۔
