امت نیوز ڈیسک //
ادھم پور، 6 اگست : جموں-سرینگر قومی شاہراہ پر شاردھا ماتا مندر کے قریب بدھ کے روز ایک منی بس کے حادثے میں ایک خاتون جاں بحق جبکہ نو افراد زخمی ہو گئے۔
ایک سرکاری اہلکار نے خبر رساں ایجنسی کشمیر نیوز کارنر کو بتایا کہ زخمیوں کو فوری طور پر گورنمنٹ میڈیکل کالج ادھم پور کے منسلک اسپتال منتقل کیا گیا ہے۔
اہلکار نے کہا، "بدقسمتی سے ایک خاتون اس حادثے میں جان کی بازی ہار گئی جبکہ نو دیگر افراد کو اسپتال میں داخل کیا گیا ہے۔ پولیس جائے وقوعہ پر موجود ہے اور مزید تحقیقات جاری ہیں۔”
پولیس نے واقعے کا نوٹس لے لیا ہے۔ (کے این سی)
