امت نیوز ڈیسک //
سرینگر، 08 اگست:جنوبی کشمیر کے ضلع اننت ناگ کے دورو علاقے میں جمعہ کی صبح سینٹرل ریزرو پولیس فورس کے ایک اہلکار نے مبینہ طور پر اپنی سروس رائفل سے خود کو گولی مار کر خودکشی کر لی۔
ایک اہلکار نے نیوز ایجنسی کشمیر نیوز کارنر کو بتایا کہ سی آر پی ایف کا جوان (جس کا نام ظاہر نہیں کیا گیا) جو 164 بٹالین میں تعینات تھا، نے اپنی سروس رائفل سے خود کو گولی مار لی۔
حکام کے مطابق، فوری طور پر اس انتہائی قدم کی وجہ معلوم نہیں ہو سکی۔ انہوں نے مزید کہا کہ پولیس نے اس سلسلے میں تفتیشی کارروائی (انکوئسٹ پروسیڈنگز) شروع کر دی ہے۔(کے این سی )
