امت نیوز ڈیسک //
صحافتی برادری کے لیے ایک قابلِ فخر لمحہ رہا جب کشمیر گلوبل ٹائمز کے ایڈیٹر اِن چیف سہیل مقبول اور کشمیر اسکرپٹ کے ایڈیٹر اِن چیف اعجاز تانترے کو آج ایس ایس پی گاندر بل شری خلیل احمد پوسوال نے ڈی پی او گاندر بل میں اعزاز سے نوازا۔
یہ اعزاز اس شاندار کام کے اعتراف میں دیا گیا جس کے نتیجے میں ایک خاتون 32 سال بعد اپنے خاندان سے دوبارہ ملی۔ دونوں صحافیوں کی اثر انگیز رپورٹنگ اور سچائی کے ساتھ جڑے رہنے کی لگن نے اس خاتون اور اُس کے خاندان کی دیرینہ خواہش کو پورا کرنے میں اہم کردار ادا کیا۔
تقریب کے دوران دونوں صحافیوں کو تعریفی اسناد پیش کی گئیں۔ ایس ایس پی گاندر بل خلیل احمد پوسوال نے ان کی انتھک محنت کی تعریف کی اور لوگوں کے مسائل کو اجاگر کرنے کے سلسلے میں ان کی صحافت کو سراہا۔
یہ تقریب اس بات کا مزید ثبوت ہے کہ کس طرح ذمہ دار صحافت حقیقی تبدیلی لا سکتی ہے اور لوگوں کی زندگیوں کو سب سے زیادہ معنی خیز انداز میں چھو سکتی ہے۔
گاندر بل پولیس نے دونوں صحافیوں کے لیے دلی قدردانی کا اظہار کیا اور اس عزم کو دہرایا کہ ایسے اقدامات کی حمایت کی جائے گی جو سماجی رشتوں کو مضبوط بنائیں اور خیرسگالی کو فروغ دیں۔
