امت نیوز ڈیسک //
سرینگر، 19 ستمبر: سرینگر کے عمرآباد ایچ ایم ٹی علاقے میں پیش آئے سڑک حادثے میں ایک دن پہلے جاں بحق ہونے والی خاتون کے شوہر نے بھی جمعہ کو اسپتال میں دم توڑ دیا۔
سرکاری ذرائع نے خبر رساں ایجنسی کشمیر نیوز کارنر کو بتایا کہ بشیر احمد، عمر 55 سال، ساکن عمر آباد ایچ ایم ٹی، جو اپنی اہلیہ فہمیدہ کے ہمراہ ایک نامعلوم گاڑی کی ٹکر سے شدید زخمی ہوئے تھے، آج صبح اسپتال میں زندگی کی جنگ ہار گئے۔
یاد رہے کہ اُن کی اہلیہ فہمیدہ، عمر 50 سال، حادثے کے وقت ہی شدید سر کی چوٹ لگنے کے باعث موقعے پر جاں بحق ہوگئی تھیں۔
پولیس کے مطابق اس سلسلے میں مقدمہ درج کر لیا گیا ہے، گاڑی ضبط کر لی گئی ہے اور ڈرائیور کو گرفتار کیا گیا ہے۔ (کے این سی)
