(بانڈی پورہ) پولیس نے شمالی ضلع بانڈی پورہ میں ٹی آر ایف میں حال ہی میں شمولیت اختیار کرنے والے ایک جنگجو کو گرفتار کرنے کا دعویٰ کیا ہے۔
@bandiporapolice & 14RR Army,3rd BN CRPF arrested a recently joined #LeT (TRF) terrorist in the orchards of Lawaypora Bandipora.He has been identified as Amir Tariq Khan @Waleed S/o Tariq Ahmad Khan R/o Lawaypora Bpr.Further investigation taken up. @JmuKmrPolice @KashmirPolice
— District Police,Bandipora (@bandiporapolice) April 18, 2022
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس کو بانڈی پورہ کے لاوے پورہ علاقے میں ایک باغ میں ٹی آر ایف سے وابستہ ایک جنگجو کے چھپے رہنے کے بارے میں اطلاع موصول ہوئی۔ انہوں نے کہا کہ اطلاع پر کارروائی کرتے ہوئے پولیس، فوج کی 14 آر آر اور سی آر پی ایف کی 3 بٹالین سے وابستہ ایک مشترکہ ٹیم نے باغ کو محاصرے میں لے کر تلاشی آپریشن شروع کر دیا۔ ان کا کہنا تھا کہ آپریشن کے دوران ایک نوجوان کو گرفتار کیا گیا۔ گرفتار شدہ کی شناخت عامر طارق خان عرف ولید ولد طارق احمد خان ساکن لاوے پورہ کے بطور ہوئی ہے۔ موصوف ترجمان نے کہا کہ گرفتار شدہ کی ٹی آر ایف میں شمولیت اختیار کرنے کے متعلق تصویر ماہ رواں کی 13 تاریخ کو سوشل میڈیا پر وائرل ہوئی تھی۔ انہوں نے کہا کہ اس سلسلے میں پولیس اسٹیشن بانڈی پورہ میں ایک کیس درج کرکے مزید تحقیقات شروع کی گئی ہیں۔
