ادھمپور: جموں و کشمیر کے ضلع ادھمپور کے رام نگر علاقہ میں ایک بس 150 فٹ کی گہری کھائی میں جا گری۔ اطلاع کے مطابق حادثے میں دو افراد ہلاک اور 38 زخمی ہوئے ہیں ۔
مرکزی وزیر ڈاکٹر جتیندر سنگھ نے ٹویٹ کر کے بتایا کہ” ضلع ادھمپور کے رام نگر علاقے میں سڑک حادثے کی خبر موصول ہوئی ہے۔ ڈی سی ادھمپور کریتکا جیوتاسنا سے بات ہوئی، وہ مجھے مسلسل اپ ڈیٹ کر رہی ہیں۔ سوگوار خاندانوں کے ساتھ میری تعزیت اور زخمیوں کو ہر ممکن مدد فراہم کی جا رہی ہے، جن لوگوں کو مزید علاج کے لیے ریفر کرنے کی ضرورت ہے، انہیں دوسرے اسپتالوں میں منتقل کیا گیا ہے.
